mi jan pali. tomo pali mi li tomo moku. jan mute li toki e ni: mi jan moku.
mi pali e moku mute. jan li moku e ona. ona li toki e ike moku.
tomo moku li ken ala e pali pona mi. ona li wile e pali mute. ona li wile e pali pona ala.
wile mi li ni: jan li sona e pona mi! mi ken pali e moku pona!
jan li lukin e mi. ona li toki e ni: "sina lukin ike e mi. mi wile e ni: sina weka!"
mi weka. jan li ike e mi. mi wile ala jan moku. mi wile ala pali e moku. jan li sona ala e pona mi.
mi lukin e tomo kule. mi lukin mute e tomo kule. ona li pona lukin.
jan li toki. "tomo ni li pona mute e sina!"
"ona li pona e mi. jan li toki e ike mi. tomo ni li ni ala."
"jan ike ni li lili. toki ona li lili. mi toki sona e ni: sina pona"
"sina sona ala e ni! sina sona ala e mi!"
"mi sona ala e sina. mi sona e pali sina. mi moku mute e moku sina. ona li pona e mi. jan mute li wile e pali mute mi. moku sina li wawa e mi. wawa ni li pali e ni: mi ken pali e wile jan.
"toki sina li pona mute e mi!!"
toki jan li wawa e mi. mi kama sona sin e ni: mi ken pali e moku pona!
jan mute li moku e moku pona mi. ona li lukin e ni: mi pali e moku. mi sona wawa. mi pali wawa. ona li sona e wawa mi. ona li sona e pona mi.
mi awen sona e toki jan. toki ni li awen wawa e mi.
mi jan pali pona. tomo pali mi li tomo moku mi!